VAN RUAT VE HMANH, HI THAWNG THA BIA HI

Unau hna mah hi hi rak ruat ve hmanh Kan nih cu A nung mi Pathian a bia mi le a zum mi lawng te kan si, cuca’h a tu lio zawt nak Corona Virus nih hin Zum tu sit le ttuh kan si nak hi a langh ter bik ko rua,Thlarau lei i Nu cem le Pa cem i kan ruah mi hna hmanh A tu ah cun Kut tleih cu chim lo An kam deuih i thut hmanh hi i phuhrun nak ding in a um cang, Kut tawl nak ah an ti Spirit le Si tha tha an hman An hmai ah An mui dawh nak vial te hmanh lang kho lo in MASK an i huh, Vun ruat ve hmanh Zum tu tu lio kan caan hi Pathian thang that kho lo tiang in le Thawngtha bia hmanh ngai kho lo tiang in kan caan hi a phan cuah mah cang.

Pakhat le pakhat thaa zaang i pek um lo in i tthih pheih nk lawng te a si fawn, zum tu ruat hmanh na nun nak hi Na biak mi na Pathian kut ah a um ti hi na zum lo maw? Kan mask huh mi nih kan nun nak a kan khamh kho tak hnga maw? Kan kut kan i tawl thawng in Hi Virus hin kan luat kho tak hnga maw? kut tawl leng mang le mask huh cu a tha bak lo ka ti nak cu si lo hih. kan luat hlei lai ti ka zum lo, Kan kut kan i tawl thawng cun kan luat in Mask kan i huh ruang ah Kan luat hlei lai ka zum lo.

Cu caah Mask Can ah le Kut tawl can ah Pathian tu hi Kan kut kn i tawl nak le Kan Mask tha bik cu si seh law cucu kan luat khawh nak bik cu a si ko hnga lo maw? Jordan ti va ah dam nak a um lo i Si le Ai thatha ah luat nak a um hlei lo kan luat nak cu Jesuh Khrih hi a si ko lo maw? Cu caah Jesuh Khrih tu hi kan “mask” le kan luat nak ah i ser ko hna u sih mu unau, Kan biak mi kan Pathian hi kan i fian hrim hrim hi a herh, A um lo mi um ter tu, Zei zong vial te cung i nawl ngei tu hi Kan biak mi kan Pathian cu a si, Na biak mi na Pathian hi na lung hrinh sual hlah maw? Lung hrinh ding um bak loh hih Sadarak, Mesak le Abenico kha zoh hna hmanh Siasal biak an fial hna ah khan ” Kan bia lai lo kn biak mi kan Pathian nih a duh le kan khamh seh a kan khamh lo zong le kan thi ko lai ta” tih an ti hna nak a ruang cu an biak mi an Pathian pei an i fian tuk cu cu caah ah Mei phu chung ah Pathian nih a um pi ve ko hna,cu Pathian cu A tu kan biak mi hi a si.

VAN RUAT VE HMANH, HI THAWNG THA BIA HI Cu caah Pathian ah i hngat ve ko hna u sih, Kan nun le kan thih cu Pathian Nawl si ko seh. Bawipa nih “ka mi hna cu har nak an ton tik zong ah cu har nak ah cun ka um pi hna lai”(Salm 91:15) tiah a ti mi hi a sawh sawh a si lo. “6 mui lak i a ummi rai zong kha na ╠útih lai lo i chun ceu i mi a that cuahmah mi ngal-eu zong kha na ╠útih lai lo.7 Na pawng ah mi1,000 an thi ko lai,na velchum ah thong hra zongan thi ko lai,sihmanhsehlaw nang cuzeihmanh nih an tawng lai lo.”(Salm 91:6-7) Cucah ah Pathian tu ah hin zei zong te in i hngat ko u sih. Hi Thawng Tha bia nih na nun ah hna ngam nak, luat nak in pe ve hram ko seh.