USA um laimi nih cun nan thei a herh hringhran nan caah a biapi tuk mi asi

Coronavirus ruangah rian a dinmi, layoff tuahmi, furlough tuahmi poah nih mah le state cozah sin ah unemployment insurance timi cozah sin in phaisa bawmhnak sawk khawh a si. Nanmah le state cozah website cio ah sawk khawh a si.Kan nih umnak hi Maryland state a si i, www.mdunemployment.com ah a sawk khawh a si. Phone zong in chonh khawh a si. Asinain phone chonh cu tha kan pe hna lo. An tlai kho lai lo. Website tu in tuah i zuam cio uh.

Website na luh hnu ah Apply for Unemployment Insurance Benefits’ timi zawnte kha na click hnu ah social security number voi 2 na thunhnu ah form phih ding a hung chuak lai. Na min, a chuah kum, phone number, SSN, na umnak address, citizen na si rih lo ahcun “A” number an in hal lai. Mah vialte na tuah dih hnu ah thla 18 chung rian na tuannak company min le phone number le thla zeizetdah rian nan dinh lai timi an in hal lai. Form tlamtling in na tuah dih hnu ah a donghnak bik ah summit na tuah lai. Summit na tuah dih hnu ah confirmation numbers an in pek lai. Confirmation number na ngah hlan lo cu na tuah dih rih lo tinak a si.

Atu lio cu Unemployment benefit a sawkmi an tam tuk caah phone chonh zongah an tlai cawk lai lo. Website zong a nuar dih caah a si khawh ahcun phone chonh loin website ah mahte in sawk ah a tha bik. A si khawh ahcun chun ah tuah loin zingka arkhuang le zanlei 6:00PM hnu tuah ah a tluang bik.

Nizan chun ni thlak ka hawile ka tuah piak hna i, ka tuah khawh lo caah zan 9:00PM hnu ah tluang tein ka tuah khawh. Kei hi full time in rian ka tuan peng caah caan ka ngeihmi a tlawm ngaingai. Khrihfabu pastor te, khrihfabu social worker, case worker hna nih an bawh khawh lomi le lungsivang tuk i a ummi cu ka ti khawh tawk tein kan bawmh hna lai.