US President Thar Kongah Russia Le China Nih An Pom Ning Le An Hmuning

US president thar cu Chinmi lak lawngah siloin vawleicung ram hruaitu lak zongah pomning a phunphun in a um i ruahning le hmuhning zong a lo cio hna lo. Biden leiin teinak a co ti a fiang cang, Trump nih teinak a co kho ti lailo tiah an au cuhmah i mipi biakamnak an tuah cuahmah cang. Culio ah Trump lei nih cun thimnak a felfai rih lo, dik takin teinak a um rih lo i teinak a fiang taktak rih lo i thil dik a chuah hlanchung cu kan doh lai tiah nawl an chuah cuahmah ve.

Vawleicung media zate nih cun Biden cu US president thar si khawhnak hrang Electoral vote 270 a hmu cang tiah an tarlangh dih i, US mipi lak zongah president thar lawm cuahmah mi an um cang. Cuti lio ah Election Commission lei nih cun nawl an chuah rihlo i Court nawl chuah dingmi an hngak cio hna. Mah cu ah thenkhat ram hruaitu pawl nih cun US president thar tiah an chim cuahmahmi Biden lomhpinak hrang ca an thlah cuahmah cang. Asinain, tuni tiang Russia le China nih cun ca an chuah ve rih lo.

Russia nih cun “thildik hngah a hau deuh rih in kan theih thil sining dik tein president thar phuan a si tikah Russia president Putin nih cun president thar cu lomhnak a nei then te lei,” tiah nawl an chuah. Mak taktak le mipi khuaruahhar ding tiangin China zong US president thar khongkauah a lungtlinpinak ca a chuah duh rih ve lo. Chinna nih cun “US president thar kongkau cu US phung bantukin phuan a si te lai” tiah a ti. Russia president Putin le China President Xi jinping cu US president thar hrang 2016 kum lio i Trump thimtlin a si tan ah lunglomhpinak ca rak thlah vevetu an si. Asinain, tutan US rampi thimnak buaibainak ah Biden lungomhpinak ca an chuah veve rih lo. AIjazeera, Guardian