Tulio US Buainak Kongah BTS An Cawlcang Ve USD 2 Million An Hlut

K-Pop minthang BTS pawl zong an van cawlcang ve cang. Miphun thleidannak kan duh ve lo ti langhternak caah USD 2 million cu BLM caah thengte ah an hlut. An catialmi te zong a hit tak tak.

K-pop fans match BTS' $1 million donation to Black Lives Matter ...

Asian ram lawng silo music lei ahcun vawlei a cul dihtu South Korea hlasak thiam bu pakhat a simi BTS ralkap pawl daitein an um kho ve ti lo. June ni 6 ah khan an twitter chungin an fan pawl he minak pawl bawmhnak caah tiin tangka an kawl(MatchAMillion tiin campaign an tuah) i cu ahcun USD 1 million an hmuh mi cu BLM ca thengte ah an hlut.

Cu lawng si lo #MatchAMillion an tuah ka in 1 million an hlut hnu suimilam 24 chungah US tangka in sing 817 ($817,000) an hmuh than colh. Raulo te ah million a tling than i cu zong cu an hlut chih. Adihlak ah million 2 renglo an hlut tinak si. Vawlei cung thihnak ah hi George Floyd thihnak hi ceiphai le buaipi a hlawh cem bak si ko. A nun zongah le i cawn duhding pakhat hmanh a um ve lo mi ahcun.

Tutan BTS nih an tuahmi MatchAMillion timi hi an twitter in an langhtermi a si i minak pawl ca thengte ah an tuahmi a si. A catar mi ah “Hi miphun i thleidannak hi kan doh i kan i dirpi hna, diklo tuk in cawlcanghnak hi a diklo, nangmah le keimah kan dihlak in kan i upat thiam awk a si, kan in dirpi hna #BlackLiveMatter tiah an tial.