Taluk nih Coronavirus sii kan hmuh ti ah an feh tar ve cang

China nih Covid-19 khamnak sii (Vaccine) an serchuah cang i tutan an ser cuahmah mi vaccine hi tulio Covid-19 zawtnak a tuar cuahmah mi khamhnak caah le a voi 2nak a rat tthan ti lonak ding ah khamhnak ding caah an serchuah mi a si, approve an tuah cang tiah vawleicung media ngan taktak a simi Aljazeera nih a tarlangh.

Tutan an serchuah mi vaccine hi China National Pharmaceutical Group tangah a um mi Wuhan Institute of Biological Products le Beijine hrambunh Unit of Sinovac Biotech hna nih an serchuah mi a si tiah an chim.

Tutan Covid-19 khamnak sii an ser mi cu China’s National Health Commission zong nih fehternak an tuah cang i pehzulh in serchuah ding ah nawlpek an si cang tiah Al Jazeera nih cun a tarlangh. Tutan ah China nih a serchuah mi Covid-19 khamhnak sii (Vaccine) cu test nak an tuah dih hnu ah santlai le a ttha ding mi a si tiah fehternak (approved) an tuah lawng si loin China’s National Health Commission hrim nih pehtlai in serchuah le tlamtlinh lawlaw ding in confirm nak a tuah piak ve cang hna ti a si.

Hi thawngpang hi vawleicung media ngan taktak a simi nih tha tein a hlathlai hnu ah a tarlangh mi a si. Mirang ca in rel a duh mi nih cun hi ka Link timi hi Click law na rel khawh lai.