Pu Lian Uk nih a facang man a thum nak kong a chim mihi laimi khrifa nun cu a si

Hi tluk in kan Chinram ah thil a van si mi hi cu uar a um kho tuk e, cu hlan si ning kan van zoh tik ah Christmas lai ah thilman an san ter cun cetkeuh ah khin thilman hi fah ter a si lengmang. Cun tu lio kan van lei pumpi nih ai buaipi bak mi le mipi nih thinphang thlalau in kan um lio caan ah thilman zong ram chung he ram leng he an fahter mi zong an um len lio ah, Pu Lian Uk Thang nih Coronavirus zawtnak ruangah minung tampi nih har kan ton cuahmah lio a si mi kha a hmuh tikah a facang man cu a tthumh bak ko uar a um kho taktak si.

Hmun dang le dawrdang ah cun an facang man hi a kai ngaingai, thongsawm thum le thongnga a si mi kha thong sawmnga le thongruk sarih bak ah an kaiter hna. Mah tluk hin kan ram nih harnak a van ton ve tik ah pakhat le pakhat mah lai miphun le hawi te i siaherhnak um lo bak in khua ruah hi cu aw a poi ngaingai a nih Pu Lian Uk nih cun a chinmi phun hawi sinah a facang cu hlan a hauh mi nak tlawm bak in a zuar mi hi cu Upat awk a um ngaingai. Bawipa tu nih thluachuahnak pe chin lengmang ko hna seh.