Palek hi na tih ve maw? Palek Phungbuar le mi sawhsawh phunbuar hi aa khat kholo

Atanglei cabia hi van rel ve hmanh ngakchia nih a thiam cia a pilh ruang ah A saya nih a philh ve theng cu a hau ma?
Nai te i Bawngkawn I palek nih an velhmi pa kongĀ  kha khuaruahnak ah a um ngaingai, chun a muih lio zong si lo mi khua ceu lio bak ah kha bantuk thil kha a cang a si I cu hmanh ah khua laili lansung bak ah a si rih zaan le mui lak chin ahcun zeidah an lawh hnga, cun a cunglei upa hna le mipi nih an hmuh khawh hna lo nakhmun chin ah zeidah a lawh hnga? Tibantuk khuaruahnak nih hin ruahnak hi a hruai lo kho lo.

Phungbuar ah hin mi sawhsawh phungbuar le Palek phung buar hi a lo kho lo, phung a buar hmasa le phungbuar v eve tiin fonhtawnh awk an tha lo,pakhat cu phung a buar ahcun hrem ding a si a sinain pakhat cu phung a buar mi kha tleih in Upadih hmai ah a chuahpi tuzing a si. An dirhmun ai lawh lo ning cu Cawnpiaktu Saya le cawnpiak mi in tahchunh hna usihlaw kan tituk hnga maw? Mipi nih phung an buar ruang ah le Upadi zei ah an rel lo zong ah Palek nih phung an buar le le zei ah an rel ve lo cu thilhman le dik a si kho lai lo.

Cawnpiakmi Siangngachia nih ca a thiam cia mi a philh tik ah Cawnpiaktu saya pa nih a philh ve theng cu a herh lo.Mipi hi phungzul ding in ti kan si ahcun Palek cu phung a zul hrimhrim ding an si. Kan palek hna lak ah mipi ca ah rian bia tak tein a tuanmi mitha taktak le zumh awk tlak takmi minung tampi nan um kan theih ko. Mipi zeirel lo mah duh in a rak cawl cang tawn mi ruang ah nan min a chia tawnmi hi a poituk, cu ruang ahcun nan lung a hnur lailo tiah kan zumh. Mipi nih mawhchiat mi minlak ah nan min ai telve lo ti nan theih ko khah.