Malaysia khuasa harsa tukin rian a tuan mi kan farnu CuaiCuai nih laitlang misik tangka tampi a um hna

Malaysia ah a um mi nungak Linda Cuai nih Falam khuapi chung ah sifak santlai lo taktak timi chungkhar hna cu facang bomhnnak a pek hna lai tiah kan theih. Mai Lindia Cuai hi Malaysia ah a um lio mi a si tulio zawtnak tihnung le facang eidin kong buaibai lio ah siaherhnak he tu bantuk in bomhnak tuah a timh hi a si, zohchun a tlak taktak.

Mai Linda Cuai nih Facang tun 12 a hluh hi a si i Falam khuapi chung ah a harsa bak timi chungkhar sin ah an phawtzamh hna lai. Hi kong he pehtlai in Chinland Today nih ” Facang phawtzamhnak cu Chinland Today Help Team nih ttuanvo an lak piak lai. An mah nih chungkhar a harsa bak ko timi an zoh hna lai i cu hna cu an phawtzamh cio te hna lai” tiah a tarlangh.

Tulio hi zawtnak tha lo ruang ah thinphan in um cio lio a si. Malaysia ralzam hna zong rianttuan kho loin an um lio a si ko nain siaherhnak he tu bantuk in bomhnak a rak pek hi cu thangthat tlak taktak a si. Laitlang lei zong facang man, eidin tirawl kong ah lungre thei in um cio lio a si. Mirum le mi ngeih hmanh ralrinnak biatak tein an i ngeih lio cio hna a si tikah sifak rethei caah cun ruahnak a pit ko. Hi bantuk lio caan ah bomhnak pek timi hi cu an caah a sunglawi tuk hringhran cio lai. Pathian nih Nungak Linda zong thluachuah pe chin hram seh.