Laimi kan tamtaktak nak Kalaymyo Sanmyo ah COVID-19 zawtnak ngeimi hmuh chap an si

A poi tak tak, rak i ralring cio ko u, Kalaymyo i Sanmyo block No.4/7 in COVID-19 zawtnak an hmuhmi sin in Pa kum 30 le Sanmyo No.6/9 in Nu kum 18 sin ah COVID-19 zawtnak hmuh than an si. an pa hnih hin Kalaymyo Sanmyo Block No.4/7 i COVID-19 zawtnak ngei an hmuh mi hna he aa pehtlaimi an si.CBFQ centre ah chiahmi an si i thinphan awk cu a si lo,September 21 ah swab sample lak i zawtnak an ngeih le ngeih lo zohfel miĀ  an si.

hi ni ah swab sample lak ve thiamthiam mi minung 19 hna cu an results theih a si rih lo tiah Kalaymyo IPRD nih a langhter. tu lio hi Kawlram ah COVID-19 hi akarh lei a panh cuahmah ca ah Mikip kan i ralrin cio hi a biapi taktak. september 24 zinglei suimilaam 8:00AM Tiang ah myanmar ram chung ah COVID-19 zawtnak ngeithar an hmuh mi hna hi minung 535 an si.

a thimi minung 3 an ym chap than Myanmar ram ah COVID-19 zawtnak in a thimi dihlak hi minung 133 an si cang i zawtnak ngei hmuhmi dihlak hi tuzing tiang ah 7827 an si cang. Siizung in a chuak than mi a dam cang mi hi 2085 an si tiah Myanmar ram Ngandamnak le zaanglek zung nih a langhter.