Kawlram Vanlawng Nih India Ruahlopi In A Kah Khawh, India A Lung Nuamlo Ngai

China le India kar remlonak cu a zual chin lengmang, cu lio ah Myanmar Airspace nih India cu ruahlopi in a kah khawh ve ti a si. Hi raltuk nak hi Myanmar ram ta a si i China nih ruahlopi in a hman khawh ti a si.

India le China border kongah buainak tampi cu hi hna ram hnih karlak ah a chuak. China nih hin India ai runvenning hi a thlitein a dothlat lengmang ti zongah chim, cun India ram Assam i ummi Tezpur Airbase zong a ngiat len ti a si.

rafale-jets

India Today nih a langhter ningah China nih hin India i runvennak konghe a ngiat peng ti a si, Assam le Abdul Kalm Island Odisha ummi zong a ngiat peng tiah a chim. Cun August ni 20 in ni 22 hrawng khan Notice to Airmen (NOTAM) zong Bay of Bengal ah khan a zuanter len ti a si. Hi a zuanternak hmun hma hi India nih Hypersonic Techology Demonstrator Vehicle timi tlamtling tein a rak hneksak nak hmun a si tiah an chim. HI HSTDV timi hi DRDO nih a tlaihmi a si, a thawngpang nak in a rak deuhmi BrahMos-2 project an kalpinak hmunpi a si.

Hi Airbase hna hi India Air Force pawl caah hmun sunglawi tak tak le a biapi tak tak ah an chiahmi hmun an si hna, cu vialte cu satellite hmanthlak in an zoh ningah Myanmar ram ri in China nih a thlitein a rak ngiat dih ti a si. Cu lawng si lo China nih hin Myanmar airspace hmang in ruahlopi in India cu a kah khawhmi a si tiah, India kahnak ahcun Myanmar ram airspace pawl hman zong poi a ti lai lo tiah India Today nih a chim chap. Tlamtling tein relnak