Kan Sung Ko Nain Kan Thachia Lo Hih, Unity Ham

CNLD Hruaitu, Candidates le Members vialte upatnak kan pek hna. A hlei in ramdang in Miphun Party (CNLD) adir pi tu nan cungah kan i lawmtuk. Nan tuh mi thlaici a ttha tukmi cu phun tampi in Chinram ah a kheu tthan zau lai. Ramchung/leng CNLD members vialte, Salai Rual Lian Thang capar hin thazaang la tti ttthan usih ti kan sawm hna.

𝐂𝐢𝐭𝐞 𝐑𝐚𝐦𝐤𝐡𝐞𝐥
Abraham Lincoln nih minak sal pawl luat ter dingah a rak aupi. American mipi nih asi kho lo an rak ti. Sal ngeitu mirang pawl nih an duh lo. Sal zuatu hna nih an sal hna kha “nan luat ahcun umnak le einak nan ngei lai lo” tiah an rak tthih phoih hna. Cu ruangah mi cheukhat nih sal sinak in luatnak ngah lai an phang. A cheu nih an bawi le kha “Sal in kan luat zongah inn in rak kan tthawl hlah” tiah an rak nawl hna. Kum zaa renglo sal asi mi caah luatnak timi cu chun mang hmanah an rak manh ngam lo.

Nihin kan ramkhel boruak zoh tikah “federal phung asi mi miphun zalawnnak, miphun hmai hngalnak le miphun nawlngeihnak timi kha cabuai cungah cite a um le um lo” timi tluk hmanh a biapi in kan ruat kho rih lo. Kan mawh lo cu ta. Cubantuk si dingah cun pei kum zaa deng an kut tangah an kan chiah cu. Kan thluak an kan tawl cu. Cite in pei an kan tthih phoih cu. Nain Abraham Lincoln a lung a rak dong lo. Sal luatnak pek dingah voi tampi thimnak ah arak i zuam. A tlawm bik voi 8 a rak sung. Nain voi 1 te a teinak nih American tuanbia dawhbik a ttial ter khawh.

Miphun rian kan i awt nak asau rih lo. Kum 5 caah teinak kan ngah rih lo zongah kum 100 a hmun ding thlaici kan mino sin ah a kho. Kan mino tampi nih thil sining an hung i fiang. Cite long kan herhmi asi lo ti an i fiang. Hi thlaici te hi zohkhenh hna sih. Tii tawih hna usih. Tthanter hna usih. American sal an luat ve, miphun zalawnnak kan ngah ve hrim te lai…ni khat khat cu…

Carel tu nan dihlak cungah kai lawm.