Hngakchia kum khat le cheu telhin an chungkhar ningin thah dih an si

Sual cio cio zongah hi tluk lawmmam sual hna cu minung thinlung a keng mi  zong an si hnga maw ti awktlak in an sual. Hnagakchia Kum khat le cheu zong zuah bak loin an chungkhar pathum ning tein an inn cia cungah Nam in an va thah dih hna.

Kawlram Tannintharyi Region, Dawei District, Yeaphyo Township, Uttar Yan Village, Tha Way he Meng tung 23/4 pawngah a ummi kum 26 a si mi Tlanglawng lam Gate hngak mipa Aung Kyaw Tun le Kum 28 a si mi a nupi ‘Mah Khin Phyo Wai’ le an fate kum khat le cheu lawng a si mi Suh Suh hna cu an umnak inn bak ah Nam in an thah hna tiah an khua pawng um mi pakhat nih achim.

Thah a tong mi hna chungkhar cu, an va zoh hna I, an nupa in tuang lai ah an rak I thal ko I, an pa hi bawngbi tawi a hruk I, angki a aih lo. an nu hi cu a thilpuan a tling ko. hngakchia te hi cu a boktakhup in a rak um ti a si. an pa hi a hngawngah Nam hma a um I, Hngakchia te zong hi a hngawngah Nam hma an hmuh, an nu tu hi cu a paw le a cal ah Nam hma hmuh a si.

An ruak hi Si-inn ah palek nih an kal pi hna tiah cu ka hmunah a va kal mi Myint Myant nih hin achim. Hi mi that tu Tazakhaan hna hi a rannak in kawl le tlaih dingin Palek lei nih an I zuam cuahmah lio a si tiah theih a s.