Democratic Pawl Caah George Floyd Thihnak Le Coronavirus Hi An Hriamnam Thabik A Si Ko Hih

Democratic Pawl Caah George Floyd Thihnak Le Coronavirus Hi An Hriamnam Thabik A Si Ko Hih
Democratic party pawl liberal pawl hi thitha in caantha lak an i tim lo thithalo bak an bawh i cu cu caantha ah hman an duh. Tutan Hillary Clinton nih Trump a van ti ning zoh ah Floyd hi a rak thi lai lo ti a phangmi a lo.

US buainak cu khuaruahhar in a linsa, mipakhat te thihnak ah mahtluk buai cu ti belte cu a si lo. Asinain an buainak zohah mifir nih caan tha an lak i mihrokhrawl pawl caah caantha le liberal pawl caah caantha ah ai cang. Tutan blacklivematter tiah an aumi zong zoh ah khuaruah lei a har, black live pi lawng cu maw biapi ah an chiah hnga, lam an zawh i duhlonak an langhter i dawr te hna mawtaw te hna an khangh pinah umnak neilo homeless pawl riahnak tiang an khangh piak mi hna zoh ah sullam a neilo.

Cu lio ah democratic pawl Obama le minak minthang liberal pawl an au i hihi kalpi peng ko uh tiah an forh rih hna. Minak pawl hi zeiruang ko ahcun dah mahtluk hin an palek kut ah an thih ti mi ruahawk a um lio ah criminal record zohchih a herh ve, an record zohtikah criminal rate a sangcem an si. Tuatan Floyd thihnak hi a dikmi thihnak cu a si ruamlo asinain hi pa hi a record a rak chia ngai ve mi a si. Cu caah misual ah lunghrinhmi cu palek nih an tlaih hna i custody ah an chiahnak cu palek rian si, cu ti cun palek nih tuah hna hla sehlaw palek an um a herh hnga lo i nifatin i thahnak le firnak le nutlaihhremnak a chuak lai. An aupi mi BLM zong zoh tikah a dik thlu rih lo.

Cu lio ah Hillary Clinton te hna le liberal pawl a fawinak chim ahcun Trump a dohtu pawl nih caan rem tak tak ah an rak i lak i Floyd cu martya le hero bantuk ah an siam. Mipi zeimaw zong nih martyr phun in a min an chuah. Amah hmanh nih i theih sehlaw a ningzak ngai lai. Biaceihnak dik belte cu a hmuh awk a si ko nain US pi le US ram i hruainak tiangah hngawng nei kho ngai ngai dirhmun cu a si ruam lo. Asinain president Trump dennak le sualphawtnak ah santlai ngaiin hman an van i tim i Hillary nih Floyd thihnak kongah Trump nih interview lio i lehnak a tuahmi cu a tlamtlinglo, a neptuk tiah a van ti, cu lawng si lo ai zuami mitei khotu thinlung aneimi le mifim pipi khuaruat kho tak tak hna nih Trump an zulh pengmi hi khuaruahhar a si tiah a ti.

Cun US ram coronavirus kong a van char chap i santlaihlo ah a van puh rih. Trump cu amah le mah ai cawisangmi ah chuah a van timh rih. Hillary nih a twitter ah “tuzan ah US president nih daihnak in duhlonak a langhter mi pawl cu khairiat meithal le meikhu in a kah hna” a tar cu lawng si lo ceilak a van dohdal. Tihnung tukmi cu president bak nih amah mi le sa cu a doh hna i kalnak hmanh an theilo tiah a den chih. Floyd thihnak hi a dikmi cu a si lo nain misualpa nih a sualman a tuar ve nak dinah biaceihnak dik a phak kha a biapi mi a si ko. Diahnak in duhlonak langhter zong cu biadik a chuah khawhnak ding le justice a um khawnak ding a si ahcun a tha tuk ko, cun US nih a hmanmi Criminak Justic System zong remh a hau kho ko asinain tutan ahcun BLM lawng a biapi i midang cu biapi ah an chia lem hna lo an i palh rumro. Black community hi an remh a hau US buainak ah a sangbik lengmang cu hi BLM hi a si ti khawh a si. Cu pinah misual nih caantha laknak ah an hman i politic tiangah luhpi a si mi hi cu a dik deuh lo.