Coronavirus kong ah USA le Canada Austrialia laimi nan thinphang hrim hrim hlah a ruang hi rak zoh

Corona Virus a zual tuk an ti lio caan, Indianapolis hmanh ah zingzan in a karh an ti lio le Itali ahcun nikhat hnu nikhat in a thimi an karh tuk an ti lio caan, cun kawlram ah siseh, Singapore in tlungmi Chin nu siseh, quarantine chiahmi an karh ngai an ti lio le Hakha zong ah a ngeimi an um an timi “biachokvai” a tam lio ah khan Bia phuannak ka tuah. Corona Virus nih Laimi paoh a lanh tak hna lai ka ti. Biaphuan ka tuah mi hi Corona daih lei a panhmi cherhchan si loin Corona țihnung a zual cuahmahmi chuankhan bak in ka tuahmi a si.

Tidim pa nih a ngeih an van ti le cangkaa in micheu nih cun zei tuak huaha loin na palh an van ka ti colh. Mah bantuk khan cun Bible ca zong a palh nan ti ko lai. Țha tein nan rel bal lo ruangah nan ti lo sawh men a si lai. Context le Background, cun ka cabia muru pawl kha pemh ta hmasat a herh. Laimi ka ti tikah, zei tluk dah a huap timi zong nan zoh a herh. Kawl nih “Chin” an timi huap chih ter nan duh ahcun Mizo Le Naga , Kuki le Manipur Meitei vialte tiang in an i tel lai. Cu tikah Laimi ka timi nih a sawh duk takmi kha nan mah te cio in ruat uh. Naga le Mizo tiang in khuh chih nan duh hna ahcun a țha ve ko. Lai timi in nan khuh khawh mi paoh cu an luat taktak ko lai. Kawl pa hmanh Lai timi in nan khuh khawh ahcun a luatnak a si lai. Nain Lai a si ko nain Kawl lole miphun dang pakhat khat sinak tu aa hrawmmi a si ahcun zei tin dah Corona nih a lanhtak lai tiah ka fehter khawh lai.

A tu zong ah a zual bik lio caan, Lairam ah khuaci muih lio caan a si nain ka chim ciami ka let lo. Ka nolh țhan ko. Nain zei rel lo tuk lawmman in a hlei hluat an um ahcun a herh si ahcun ka bia cu ka let te ko lai i nan mah nan cei te ko lai. Ka bia ning bak lawng in ka phuanmi paoh a kal taktaktikah mu. Dr. Zo Tum Hmung le Dr. Aung Myint Thang bang tuk in a lenglei hmuhnak bochan in chimchung a hmangmi ka si lo ka ti bal cang khah. Thluakțha deuh nih cun an Predict chimchungnak ah fak tuk in an rak chimmi ah Fak tuk in an palh veve nak kha nan i chinchiah rih ko lai. Nain kei cu an mah pahnih nak in chimchungnak a let zakhat in ka tuah nain deh khat te zong ka palh rih lo. Cu hmanh ah kei nih chimchungnak ka tuahmi pawl cu zapi ruah phak lo leng khi an si i, Pu Hawi Tin a thi cang ko lai tiah zapi an lungre theih lio ah a thi lai lo, ka khamh lai tiah voi tam ngai ka phuan ko khah. Esther a tla ruangmang cang lai tiah zapi nih an ti lio ah a tla lai lo ka ti ko khah. A kai lai tiah ka ti ko khah.

comment te hna i, a tla lai, a kai lai va ti cu a fawi ngai ko nain Keimah bantuk Laimi ah politics ah siseh, zei lei paoh ah a hleice bak a simi le lungchung tein uar bik mi, cun mitlawmpal caah cun huat ngaimi a simi nih zapi relnak ah Lih hun post timi cu a ngah lomi khi a si. Mah dil ciami sah nolh bantuk le mah tilcumh bantuk a si caah duh paoh a post sawhsawh mi ka si bal lo. Vawlei cung ah Ralrinnak sang bik in le thiam thih bik in a post tu kha ka si. Hacker pawl hrim nih cun hach an ka duh tuk caah ka facebook hi ka mersan a tamtuk cang. Wirathu le Bullet Hlah Shwe ti bantuk nak zong in a let zakhat in ka fim deuh caah mitlawmpal nih cun ka diamond cabia hna hi zei rel lo phun in an lak tawn. Nain ka phuan tawn bang, an techin fapar pawl nih cun ka cabia tu hi an pupa nakin a let zakhat in an uar deuh te lai.

Biadonghnak ah, Corona Virus bantuk nih hin kum zakhat a luan cia mi a tu lio caan ah hin Laimi-Hakha-Thantlang fahngiang rual hna, pasalțha rual hna, khuanu khuapa hna cu cheuthum ah cheu khat a rak kan thah bal cang. 1919-20 lio, Lairal timi Mirang kan doh dih ka tlawmpal hnu ah khan a si.(Lairal cu 1917-18 kha si).Cu lio ahcun Vawlei cung ah Zei bantuk miphun hmanh pulrai timi Virus-flu ruangah an rak thi lo i, Laimi kiangkap miphun hawi zong an rak thi lo. Hakha tefa lawng thi a rak si. A tu tan hi cu kan luat awk a si ve cang lo maw? Kan pupa an rak thihnak a ruang zong, zapi nih nan ruah phak lomi hnu lei ah a ummi ka pemh ziar ko nain ka chim ti lai lo.