Chinram Surbung tlangah Vanlawng atum cang lai

Chin ramkulh Falam pawng Surbung tlangah an tuahmi Vanlawng tumnak cu an lim dengmang cang ti theih a si. za tuak in 95 cu an lim cang I, June thla chungah hin vanlawng zong a tum cang lai tiah Chin ramkulh cozah biachimtu Sipin tlangbawi Pu Soe Htet nih a chim.

Falam Airport, Chin State Myanmar - Home | Facebook

Tlangbawi Soe Htet chim dingah cun “airline department lei tinh ningah cun June thla zarh hnihnak hrawngah vanlawng tum ter ding an timh ko nain, atutaing an I lim khawh rih lo caah airline department lei zong kan pehtlaih than hna lai I, tu thlachung hrimhrim ah tum ter khawh dingin kan I tim. Vanlawng a tliknak ding lam zong phah dih a si cang I, inn sak mi zong lim dih a si cang” tiah a chim.

Tukum Chung Chinram ah Vanlawng Bual Pahnih an On Lai – The Chin ...

“ A biapi in a tang mi hi cu pehtlaihnak lei a si, pehtlaihnak hi vanlawng cung in control tower he pehtlaihnak tuah dingmi pawl cu American ta cawk a si cang I, tulio Covid 19 rawngah a rak phan kho rih lo. hi thil aa lim hin cun kan lim dih a si cang ko” tiah Pu Soe Hter nih a chim.

Airline department lei an I tinh ning bantukin tlam a tlin a si ahcun vanlawng zong a tum lengmang cang lai I, hi vanlawng tumnak hon nak puai zong hi tuanvo neitu hna nih rampi cozah sinah an hal lai I, an senh tik poh hna ah honnak puai zong tuah te a si lai ti zong achim chap.