China hi lih lawng tein rian an tuan vawlei cung mipi hi thih dih hna seh ti an duh ko

Kan Vulei pi hi minung ruahnak leng piin a buai kho deuh cang. Tutan covid-19 kong he pehtlaih in Vulei cung ramkip thiamsang pawl zong nih an ruahnak an chim lengmang ko. Nain zei ruangah dah covid-19 virus a chuah i, zei tin dah a chuah ning asi timi nihin ni tiangah tha tein confirm tuah kho mi an ngei hrimhrim rih lo. China zong nih an chim phuan duh ve bak lo caah atu ahcun kan Vulei pi hi a buai chin lengmang ko cang.
Hi Covid-19 virus ruangah ram khat le ram khat zong an mah le mah an i zumh kho ti hna lo. Hi buainak a dih in cun zei bantuk thil nih a vun pehzulh te lai mi lawngte atu ahcun an i chim cei cio mi a si. A cheukhat nih China in a thawk mi zawtnak a si ko nain USA sual an put hna. A cheukhat nih China market ah saram ningcang lo tuk in an thah hna caah saram thisen nih an phu a hlam hna bia a si tiah an ti ve.
A cheukhat nih cun Seafood in a chuah mi zawtnak phungkhat a si tiah an ti ve. Mi tampi nih an mah le ruahnak kha zalawng tein an chim cio tikah aho chim mi deuh hi dah a hman lai timi zong confirm tuah awk a har ngai ngai cang. Covid-19 cu vawlei cung ram kip ah a vak cang caah minung nih kan tuah kho mi cu i ralrin nak pakhat te lawng hi a si ko cang.
Tutan zawtnak hi dam lo sawh bantuk asi lo caah mi dang he hmunkhat teah um tti awk a tha bak lo mi a si. Vulei cung ram kip nih an mah le si kho tawk cio in mizaw umnak inn le sizung an sak cio. Kawlram zong nih special in inn a sak ve cang. A bik in ramdang in kawlram ah rak lut mi le covid-19 zawtnak a ngei mi pawl hna an umnak caah a sak mi inn an si.