Biden hi US President Atlinah Cun Term Khat Chung Bakah Chin Ralzam (India,Malaysia) An Dih Lai

America rampi thimnak cu November 3, 2020 ah a si cang lai. Mah kongah president nominee caah presumptive Biden nih a chimmi cu, Rampi thimnak hi Donald Trump nih postpone a tuah lai ti ka ruah. Trump nih hin thimnak hi acaan hman te ah atuah awk a si. Thawn a tim zongah a thawn ding a si lai lo tiah a ti. Biden thawngpang nih US a hninh ngai ngai cang. Amah lo hin Donald Trump dironhtu mizeihmanh Democrats in an um ti lo. Biden policy ah pakhat a ummi cu, ralzam (Asylum, Refugee) tam khawh chungin lak aa tim. Kumkhat ah minung 125000 annually peng lak aa tim. Mah hi hi Obama president a rak tuan lio nakin ralzam laknak kongah Biden nih tam deuh in lak aa tim.

Biden nih US President tuan tak tak sehlaw, immigration kongah achimning bantuk tein a tuah ko ah cun kumkhat chungah US ramchung alutmi ralzam cu khuaruahhar in an tam lai a fiang ko. Obama chan ah khan kanmah Chinmi tampi cu US kan phan hna. Zeitlukin dah Obama chanah Chinmi ralzam dirhmun in US kan phanh ti ah cun, Donald Trump nih term khat chung ah a lakmi ralzam nakin Chin ralzam milu hi Obama nih kumkhat chungah Chin ralzam alakmi nakin atlawm deuh tuk. Hi hi Pu Zo Tum Hmung nih detail tein a rak langhter. Amah tialning tein ka vun langhter lai.